tembang macapat

1. Maskumambang
    Duh anak mas sira wajib angurmati
    Marang yayah rena
    Aja pisan kuma wani
    Anyonyamah gawe susah

GANCARAN :
     Dadi anak kuwi kudu ngurmati bapak lan ibu, ora oleh maneni wong tuwa, apa maneh ngasi gawe wong tuwa susah.

2. Asmarandana
    Gegarane wong akrami
    Dudu bandha dudu rupa
    Amung ati pawitane
    Luput pisan kena pisan
    Yen gampang luwih gampang
    Tan kena tinumbas arta

GANCARAN :
     Menawa wong rabi kuwi modale ora mung bandha lan rupa. ananging mung ati. Yen salah pisan, bakal salah selawase, yen gampang bakal luwih gampang ananging yen angel bakal angel banget lan ora kena dituku nganggo duwit.

3. Dhandhanggula
    Jago kluruk rame kapyarsi
    Lawa kalong luru pandelikan
    Jrih kawanen ing semune
    Bang wetan sulakipun
    Mratandani yen bangun enjing
    Rembulan wus gumlewang
    Sakkulone gunung
    Ing padesan wiwit obah
    Lanang wadon pan samya anambut kadi
    Netepi kuwajiban

GANCARAN :
     Krungu jago kluruk rame banget, lawa lawa pada golek pnggon kanggo ndelik amarga wedi yen kawanen. Ing sisih etan wus katon werno abang, nandani yen tangi esuk. Rembulane wis miring ing sak kulone gunung.warga desa lanang lan wadon pada nglekasi nyambut gawe, kanggo netepi kuwajibane dewe- dewe.